viernes, 13 de octubre de 2017

English Club


Na biblioteca gústannos moito as palabras, por iso este ano imos organizar un Club onde só teredes que cumprir dúas condicións: ter ganas de falar e facelo en inglés.
Os martes e os mércores estará esperando por vós o noso auxiliar de conversa, Sisto que ven dereitiño dende os Estados Unidos e ten moitas ganas de aprender cousas sobre o noso país e os nosos costumes.
Imos necesitar a vosa colaboración para buscarlle un nome molón ao noso club. A pensar todos e todas pero sobre todo a pasalo ben!!

miércoles, 11 de octubre de 2017

Novidades outubro 2017

As "máquinas" da biblioteca están funcionando a toda velocidade para preparar o Día das Bibliotecas Escolares, que é algo así como o noso santo. E para empezar a abrir boca, aquí tedes o noso boletín de novidades que trae libros que falan de libros e de literatura e dos poderes que nos dá a lectura e os mundos máxicos aos que nos leva.


miércoles, 4 de octubre de 2017

Formación de novos usuarios


A partir de mañana comezarán as xornadas de benvida para o alumnado de primeiro nivel xa que se estrean como novos lectores e usuarios da biblioteca ao cambiar de pavillón.
María, Pepa e Patri explicarán as normas de uso, a situación dos estantes dos libros de ficción segundo o tipo de lector, a situación dos libros informativos por materias segundo a CDU...
Entregaranse tamén os carnés de usuarios para préstamos de libros e os broci-colgantes que se outorgan  aos nen@s que empezan a ler.

lunes, 2 de octubre de 2017

Premio GSD Innova: "Realidad Virtual y Storytelling. La siguiente generación"

Gustaríanos que nos axudásedes cos vosos votos a difundir o vídeo promocional presentado ao Premio Nacional Fundación GSD de Innovación Educativa co xenial proxecto realizado o pasado curso escolar no noso centro: "Realidad Virtual & Storytelling. La siguiente generación".
Algúns destes mundos en realidade virtual, creados co programa CoSpaces, xa os coñecedes porque foron publicados neste blog ao estar incluídos no noso proxecto anual de biblioteca do pasado ano "Territorio das Artes".


Para iso, todos e todas os que teñades Facebook, buscades GSD Innova e no menú da esquerda clicades en Comunidade. Cando atopedes o vídeo subido pola nosa compañeira Begoña Codesal, se vos gusta, podédelo compartir nas vosas redes sociais, facer comentarios e, por suposto, darlle ao "me gusta" 👍!!

viernes, 29 de septiembre de 2017

Novo curso, novo equipo de Mini-bibliotecarios

O xoves e o venres reuníronse na biblioteca tod@s os mini-bibliotecarios voluntarios de 6º nivel coa profe Pepa para saber as súas funcións e as tarefas a realizar este curso: ordenar libros, etiquetar, facer préstamos, entregar e recoller os iPads e auriculares, atender o canto de ordenadores, facer recomendacións aos primeiros lectores...
Tamén entregóuselles o seu carné de axudante para asinar.


biblioteca abrirá a próxima semana durante o horario do recreo. Esperámosvos!

jueves, 28 de septiembre de 2017

Mochilas viaxeiras 2017


Esta semana comezou a súa nova andaina as mochilas viaxeiras no 3º e 4º nivel, actividade que permite á biblioteca o contacto coas familias coa intención de conseguir a súa colaboración e participación na formación de lectores e lectoras. 
Esperamos que tanto o alumnado como os seus familiares compartan e gocen do contido das mochilas (un DVD, unha revista, un libro informativo e un libro de lectura)


Dentro de cada mochila vai un caderno para que anotedes as vosas opinións, reflexións... sobre os libros lidos. O obxectivo é que todos nos podamos beneficiar das ideas dos demais e gozar lendo o que outros escriben.
Lembrade que é importante a puntualidade á hora de entregar a mochila a outro compañeiro/a, coidar do seu contido e comprobar que o material estea completo á hora de devolver a mochila.

martes, 26 de septiembre de 2017

Novo curso, novos retos... A mesma ilusión

Coa tranquilidade que dá a experiencia acumulada estes últimos cursos pero con novos retos que afrontar, novas actividades que organizar... iniciamos unha nova andadura do noso blog no que, como sempre, contaremos todo o que suceda dentro da nosa biblioteca. 


"Aprender a pensar coa biblioteca escolar" é o lema que propoñen dende Bibliotecas Escolares de Galicia. Dende logo que a biblioteca é un lugar ideal para que os nenos e nenas non perdan a súa capacidade de asombro e a súa curiosidade: aprender a pensar a través dos contos, das lecturas de ficción, da poesía, do teatro, dos fondos informativos co fin de activar no alumnado os mecanismos para desenvolver o pensamento complexo. 
E como imos facelo? Pois como sempre... XOGANDO... O xogo pon en marcha as engranaxes do noso cerebro: observar, recoñecer, comparar, analizar, deducir...
Preparádevos porque xa estamos de volta e pronto chegará o 1º Brozo-Reto do trimestre. 
      

viernes, 23 de junio de 2017

Rematamos...

Cantas boas sensacións déixanos este ano! Para nós, como equipo, foi a ano no que consolidamos o noso proxecto cun 100% de participación. E iso é moito dicir nun cole como o noso con tanto alumnado e tantos profes. Xuntos construímos o ano da biblioteca, que non quere ser máis que o nexo que una aos tres pavillóns do cole. 
O proxecto "Territorio das Artes" trouxo moita emoción e novas aprendizaxes. Exploramos os mundos da pintura, da arquitectura e da escultura como sabemos na biblioteca... xogando. Houbo Minecraft, Kahoots, CoSpaces, Wallames... pero tamén moito feito coas mans cheas de pintura e pegamento, co lápiz e o papel, que tan importante é nesta etapa.
Este ano regalounos unha buxaina de prata no XI Concurso de Espiral Edublogs que supuxo unha dose extra de motivación e un recoñecemento que agradecemos dende o corazón e que ocupará un lugar de honra na nosa biblioteca. 
Chegou o momento de despedirnos...
Primeiro dos nosos Mini-Bibliotecarios, que marchan preparados para voar lonxe e alto. Esperamos que un pouquiño da biblioteca vaia con eles para sempre.



Segundo, da profe Dolores, que leva dende o principio pelexando para sacar a nosa biblioteca adiante, e que agora marcha para outro cole. Botarémoste de menos compañeira. Moita sorte na túa nova viaxe.
E por último de todos e todas os que este ano colaborástedes coa biblioteca.

Vémonos en setembro e xa vos avisamos de que tedes que vir preparados porque ELES xa están aquí... Camiñade cara á luz con eles...

Viaxe polo mundo das diferentes civilizacións a través das súas esculturas


Nesta viaxe a profe Begoña Codesal e o seu o alumnado de 4ºD participaron co noso proxecto "Territorio das Artes" modelando diferentes esculturas de diferentes épocas coa app CoSpaces. Se queredes mergullarvos neste mundo creado en 3D, podedes coller unhas lentes de realidade virtual, colocar un smartphone nelas premendo nas seguintes ligazóns para gozar por completo desa inmersión ou tamén visualizalos a través da pantalla dun ordenador ou tablet.
Magnífico traballo rapaces!!


"De escultura en escultura" (Julia e Uxía) - https://cospac.es/yg5g


"Aprendemos coa antigüidade" (Carolina e Iria) - https://cospac.es/ylaE


"Diferentes pobos, diferentes esculturas" (Román e Álvaro) - https://cospac.es/Nw5D

jueves, 22 de junio de 2017

Somos escultores! - Museo PdB

Adxuntamos díptico de todos os proxectos presentados de escultura para que vos animedes a dar unha volta polo cole antes de que rematen as clases.
Para que poidades gozar tamén das creacións dixitais realizadas en Minecraft e CoSpaces, teredes un código QR na porta de cada aula que elixiu esa opción. 



Os traballos presentados en Minecraft están tamén na nosa canle de YouTube "Territorio das Artes: Escultura Minecraft". Preme nas imaxes para visualizalos.

          

Queremos felicitarvos, unha vez máis, pola orixinalidade dos vosos proxectos. Parabéns a tod@s!!

miércoles, 21 de junio de 2017

Gañadores do Premio Miguel Angel de escultura

Os nosos Mini-bibliotecarios percorreron onte os tres pavillóns do centro unha vez máis para decidir quen levaba o premio do terceiro Brozo-reto do trimestre. E por fin as temos... as mellores pezas escultóricas. Parabéns a tod@s e grazas por colaborar aínda que fose a contrareloxo!


CALDER - Infantil 4º nivel


         ESCULTURA MIRÓ - Infantil 5º nivel     A CIDADE ESTRELADA - Infantil 6º nivel


PATIO DOS LEÓNS - 2ºA


A LENDA DO REI ARTURO - 3º nivel 


HOMENAXE AO COMIC MINECRAFT 


ESCULTURAS MINECRAFT
Ligazón ao vídeo: Taller de Escultura - 5ºB


SARDIÑAS - 6º nivel