lunes, 16 de enero de 2017

Espazo, luz e orde

Desde a época na que os homes e as mulleres deixaron de ser nómades, a humanidade foi deixando as súas pegadas sobre a terra en forma de edificios ou estruturas. Un dos arquitectos máis influentes  do século XX dixo que os homes e as mulleres necesitan espazo, luz e orde tanto como necesitan o pan ou un lugar para durmir. A ver si descubrides de quen é a frase...


Velaí que o noso Brozo-Reto para o segundo trimestre teña como obxectivo descubrir o mundo da arquitectura. Queremos que escollades unha obra arquitectónica, que veñades á biblioteca nas vosas horas e busquedes información sobre a súa historia e o seu uso nos nosos fondos ou en internet, para rematar realizando unha maqueta co material que queirades (refugallo, plastilina, masa para modelar, escarvadentes, papel..) e unha cartela coa información básica da obra. Podedes facelo por aula, en parellas ou como mellor vos sintades.
Na semana do 24 de marzo, de novo un xurado escollerá as mellores creacións. Só os gañadores conseguirán  a Medalla do Premio Internacional de Arquitectura PdB que recompensará as mellores creacións tendo en  conta a súa orixinalidade. Hai 9 medallas esperando...

jueves, 12 de enero de 2017

Somos artistas! - Museo PdB

Esta semana fíxose entrega dos Pinceis Dourados ás aulas gañadoras do primeiro Brozo-Reto do trimestre. 
Recomendamos a todo o alumnado do centro visitar os distintos pavillóns cos titores para contemplar as fantásticas obras de arte realizadas. 
Aquí deixámosvos un díptico con todas as portas decoradas co nome dos cadros e do pintor ou pintora. A información de cada obra podedes atopala á beira de cada porta.

lunes, 9 de enero de 2017

Novo ano, novos libros... Felices lecturas 2017!

Despois deste parón navideño, presentámosvos xa as novidades recentemente chegadas á biblioteca. Esta vez son libros relacionados coa arquitectura e a enxeñería que será o tema seleccionado para traballar durante o segundo trimestre relacionado co proxecto "Territorio das Artes". Iremos informando pouco a pouco dos novos retos e actividades que a biblioteca vos ten preparados. 


Na biblioteca atoparedes unha exposición de libros moi interesantes, amenos e divertidos para ir repasando a historia da arquitectura e de arquitectos xeniais de todos os tempos. Ao longo da historia, o home superou todos os retos aos que se enfrontou para crear edificios fantásticos. A través das guerras, o comercio, as expedicións e a literatura, os grandes edificios estendéronse a todos os países do mundo. Desde as tumbas dos faraóns do antigo Exipto ata os espectaculares rañaceos das grandes cidades.  A que esperades para vir coñecelos?

martes, 20 de diciembre de 2016

Nadal na Biblioteca

Este ano son os nosos protagonistas... Porque hai que ter moitas ganas para renunciar ao recreo e vir pelexar cos máis pequenos na biblio, para carretar libros de arriba a abaixo e pasar días colocando e recolocando, para embarcarse con entusiasmo en calquera proxecto que lles propoñemos... Por iso merecen un pequeno agasallo... Con todo o noso corazón...


E isto foi o que argallaron para desexarvos as mellores festas e o mellor ano posible...


lunes, 19 de diciembre de 2016

Recomendacións Nadal 2016


Animamos a todos os nosos lectores e lectoras a elixir algún título desta lista, aproveitando que chegan as festas do Nadal e decidádesvos a pedirlle a Papá Noel ou aos Reis Magos, que están á volta da esquina, un dos seguintes libros.


domingo, 18 de diciembre de 2016

Gañadores do pincel dourado

O pasado venres o noso  xurado experto en arte formado por Mini- bibliotecarios, percorreu todos os pavillóns para elixir a porta gañadora de cada nivel do primeiro Brozo-reto do trimestre. A decisión foi un pouco complicada e difícil... pero ao final houbo consenso.


Xa temos gañadores do pincel dourado!!

Pavillón Infantil



4º E  Educación Infantil - BOS DÍAS MOUCHIÑO (Inspirada en Gaudí)
5º C Educación Infantil - THE GARDEN (Joan Miró)
6º D Educación Infantil - NOITE ESTRELADA (Van Gogh)

Pavillón I (1º,2º e 3º nivel)




1º E - GRAVITATION (Vasili Kandinsky)
2º D - M- MAYBE ( Roy Lichtenstein)
3º B - HANDS (Andy Warhol)

Pavillón II (4º, 5º e 6º nivel)



4º D - EL GRITO (Edvard Munch)
5º D - EL HIJO DEL HOMBRE (René Magritte)
6º B - EL ÁRBOL  (Vasili Kandinsky)

miércoles, 14 de diciembre de 2016

Campaña solidaria "Vapor ti, Vapor todos"

Por sétimo ano consecutivo a Fundación SM pon en marcha a súa campaña máis solidaria "Vapor ti, Vapor todos" para que nenos e nenas que, doutra maneira non poderían telos, reciban libros e poidan viaxar, vivir aventuras e soñar a través das súas páxinas.
Aquí mostrámosvos o marabilloso vídeo que fixeron para esta campaña.


A campaña arrincará o 19 de decembro e por cada libro de Barco de Vapor que se compre entre este día e o 26, a Fundación SM doará un libro para os nenos e nenas con menos recursos que non teñan acceso a eles.

Esta iniciativa encántanos, xa que todo o que sexa fomentar a lectura e achegarlla aos que non teñen acceso a ela, parécenos unha gran proposta. Por iso animámosvos a tod@s a que participedes. Se non é comprando un libro, hai outra opción para poñer o voso gran de area, facervos seguidores da canle de Facebook do Barco de Vapor, xa que por cada novo fan que teñan, tamén doarán un libro para a causa. Así que se aínda non sodes seguidores, facede os vosos clicks máis solidarios e pensade en que grazas a iso, un neno ou nena terá acceso a un libro este Nadal.

jueves, 1 de diciembre de 2016

Somos artistas!!


Estamos impresionadas coa resposta que Territorio das Artes está a ter no centro. Non podemos estar máis contentas do moito que tedes feito. Sodes incribles e tan creativos...
Como sabedes o día 12 remata o prazo para colgar na porta da aula a vosa obra. Todos os cursos e especialistas que teñades participado recibiredes o Broci-Pintor como recoñecemento.
O día 16 o xurado recorrerá o centro para seleccionar a mellor creación de cada nivel, que recibirá O Pincel Dourado.



Teredes que poñelo no noso panel dos Brozo-Retos á entrada da biblioteca.
O día 19 publicaremos no blogue o listado dos gañadores. Sorte!!